Процесот на префрлување на основните системи од Twitter.com на X.com конечно е завршен, објави Елон Маск преку неговиот X профил.
Со ова може да се каже дека официјално е ставен крајот на Twitter брендот кој се’ уште постоеше преку домените кои се користеа, иако стариот домен е тука да пренасочи кон новиот.
Од корисничка страна оваа новина не прави некоја разлика, а апликациите и страните продолжуваат да функционираат исто како и досега.
За потсетување, Елон Маск го купи Twitter пред две години, по повеќе месеци на проблеми кои се јавија во процесот и кој конечно заврши во октомври 2022.
Покрај критики од одредени страни, може да се каже дека Twitter, односно X, сега функционира слободно без никаква цензура и пристрасност кон некоја од политичките страни во САД или разните движења.
