Twitter станаа доста „активни“ околу тоа за што се користи нивната мрежа од страна на корисниците. Тие веќе почнаа да ги означуваат одредени објави кои сметаат дека не се точни, носејќи ги корисниците кои ќе притиснат на ознаката на страна со други објави и статии кои го побиваат тврдењето. Најнова категорија на објави кои се означуваат на Twitter се тие кои ја поврзуваат 5G технологијата со ширењето на новиот коронавирус.
Сега Twitter продолжува со почнување на тест кај Android корисниците, за кој тие кажуваат дека има за цел да промовира информирана дискусија.
Тие ќе се обидат да корисниците ја имаат оваа повеќе информирана дискусија преку известувања да ја прочитаат статијата која сакаат да ја споделат, пред да го направат истото.
Тоа значи дека доколку некој сака да сподели некоја статија на Twitter, а истата ја нема отворено преку оваа мрежа, ќе добие потсетник да ако сака, прво ја прочита пред да продолжи со нејзиното споделување.
Од компанијата истакнуваат дека тие нема да следат дали корисникот ја има отворено статијата на друго место, туку само преку нивната мрежа.
Sharing an article can spark conversation, so you may want to read it before you Tweet it.
— Twitter Support (@TwitterSupport) June 10, 2020
To help promote informed discussion, we're testing a new prompt on Android –– when you Retweet an article that you haven't opened on Twitter, we may ask if you'd like to open it first.
