Twitter можноста за гледање на статистики поврзани со секоја објава, нешто што го има кај бизнис сметките, ја пушти за сите корисници. Сега секој може да притисне на новото копче под нивните објави и да види колку пати таа објава е видена од следбениците и слично.
Елон Маск излезе со информација, по додавањето на ваквата можност, дека објавите многу повеќе се читаат во споредба со тоа колку „лајкови“ добиваат. Според него, објавите се читани околу 100 пати повеќе од бројот на „лајкови“ што го добиваат.
Ова не е нешто што изненадува, со оглед на тоа што има голем број на корисници кои друштвените мрежи ги користат за читање на информации, но не се активни, односно ретко „лајкуваат“, а и не објавуваат ништо.
Маск со оваа информација повеќе сака да каже дека Twitter има многу повеќе корисници кои ја користат мрежата, па бројот на лајкови не треба да биде мерката за тоа.