Twitter официјално го менува карактеристичниот стил на мрежата со доста големо покачување на ограничувањето на бројот на карактери што може да го содржи една објава. Од почетните 140 кои ја направија оваа мрежа доста поразлична од другите, ограничувањето беше зголемено на 280, што во основа не промени многу.
Сега, корисниците ќе можат да објавуваат до 4000 карактери, а со тоа се трга и потребата од објава на повеќе „твитови“ кога се има да се каже нешто повеќе.
Оваа можност, покрај тоа што сега е достапна само на корисниците во САД, достапна им е и само на претплатниците на Twitter Blue.
Додавањето на оваа можност претставува големо подобрување на Twitter Blue претплатата која според информациите нема многу корисниците кои ја користат. Можноста за поголеми објави може да привлече повеќе претплатници кои имаат што да кажат, а тоа обично е во подолга форма.
За да не се „расипе“ изгледот на листата со новости, објавите ќе продолжат да прикажуваат до 280 карактери, а тие кои се поголеми ќе може да се прочитаат со притискање на копчето за повеќе.
Обичните корисници, кои сега не можат да објавуваат до 4000 карактери, ќе можат да ги споделуваат овие објави и да ги лајкуваат и слично.
