Една од главните карактеристики на Twitter е лимитот од 140 карактери при објавувањето на твитовите. Тоа ги прави кратки и јасни, што е една од најголемите предности на оваа социјална мрежа.
Овој лимит беше исто така пренесен и за испраќањето на директни, односно приватни пораки помеѓу корисниците. Од Twitter најавија дека овој лимит сепак не е потребен во овој случај, па ќе биде тргнат.
Од оваа недела од социјалната мрежа објавија дека лимитот од 140 карактери е тргнат, па корисниците кои што сакаат да комуницираат и преку пораки, сега тоа можат да го прават стандардно како и со било која од другите апликации за таа намена. Лимитот на пораките сега изнесува 10.000 карактери, што е повеќе од доволно за испраќање на долги пораки.
Со оваа промена може да се каже дека Twitter до некаде влегува во конкуренција со апликациите како Viber, WhatsApp, Messenger и слични чија што главна намена е испраќањето на пораки. Активните корисници на Twitter може многу лесно да се одлучат да ја користат оваа апликација за нивните потреби за комуникација, сега кога е тргнат лимитот, а со тоа и веќе да не користат некоја од другите апликации.
Промените ќе бидат воведени во апликациите за iOS и Android, како и на TweetDeck и Twitter за Mac, а исто така и на главната веб страна.
Извор: Twitter