Елон Маск денеска објави дека од утре може да се очекува воведување на една доста важна функција на Twitter. Директните пораки на корисниците ќе станат шифрирани, а со тоа никој нема да може да ги прочита, освен другата страна од разговорот, секако.
Шифрирањето на разговорите е важно за оваа мрежа, а посебно по откривањето на Маск дека властите често добивале пристап до разговорите на одредени корисници. Сега, дури ни Маск самиот нема да може да ги прочита пораките, дури и „ако му е ставен пиштол на главата“, како што тој кажа во најавата.
Воведувањето на шифрирани разговори ќе ја направи Twitter мрежата доста побезбедна, а посебно за новинарите и другите корисници кои имаат проблеми со властите.
Вака кажано, се поставува прашањето што со тие кои имаат проблеми со властите, но не од политички причини, а ова е тема која одамна веќе се дискутира, Twitter не е првата мрежа која воведува вакви разговори.
Маск дополнително најави дека корисниците наскоро ќе можат да прават аудио и видео повици, а тоа го најави со истакнување дека корисниците ќе можат да разговараат со било кого во светот, без да го дадат својот телефонски број.
Оваа новина е најавена само со наскоро информацијата, па ќе видиме кога е тоа наскоро. Прво да го почекаме пуштањето на шифрираните разговори утре.
