Уште од самата најава на Twitter конкурентот од Meta, Threads, беше најавено дека мрежата ќе има компатибилност со ActivityPub, протоколот кој се користи од страна на децентрализираните мрежи, од кои најпозната е Mastodon.
Децентрализираните мрежи функционираат од повеќе сервери, што значи дека нема еден центар на функционирање, а компатибилните сервери можат да се поврзат едни со други.
Првата функција која ја добива Threads која оди во правец на оваа интероперабилност е можноста корисниците да ги верификуваат своите профили од Threads на нивниот Mastodon профил.
Ова е постигнато со додавање на поддршка за „rel=me“ линкови, кои во основа овозможуваат потврда дека линкот кој е поставен на профилот е на корисникот.
За во иднина се очекува дека корисниците на Threads ќе можат да ги гледаат објавите од тие на Mastodon, се разбира и обратно, па мрежата да може да функционира и со другите вакви мрежи.
Post by @mosseriView on Threads
