Facebook оваа можност ја најави при крајот на минатата година и постепено ја пушташе во различни земји како тест. Во април стана достапна во САД и Канада, а од оваа недела истата им е достапна на сите корисници во светот.
Корисниците на Facebook, кои и досега имаа можност да ги симнат сите свои податоци, сега ќе можат да ги префрлат сите свои слики и видеа на Google Photos сервисот. Со тоа тие ќе ги имаат зачувано своите слики и видеа, кои можеби ги имаат уште пред популаризирањето на онлајн сервисите за слики, а секако ова е корисно и во случај корисникот да се одлучи да ја избрише својата Facebook сметка.
Префрлувањето на податоците на Google Photos се прави едноставно, а се што треба е да отидете во Settings на Facebook преку прелистувач, па на „Your Facebook Information“. Во овој дел е достапна можноста „Transfer a copy of your Photos or Videos“, па кога ќе притиснете на „View“, ќе можете да ја „изберете дестинацијата“, каде е достапен Google Photos сервисот.
