После блокирањето на пристапот до Facebook и Twitter, во Русија од денеска веќе не може да се пристапи ни на Instagram. Оваа одлука беше најавена минатата недела, па беше остварена соодветно.
Како главна причина за блокирањето на Instagram, што има многу помало влијание кога се во прашање политички случувања, односно воени случувања како сега во Украина, се верува дека е одлуката на Meta да дозволи повикување на насилство кон руските војници и политичари.
Според некои информации, Meta сепак ги има променето критериумите и нема да се дозволуваат ваквите објави, барем не повеќето, но одлуката во Русија останува и сигурно нема да направи разлика дури и целосно враќање на стандардните правила на Meta.
Според статистиките, во Русија има околу 60 милиони корисници на Instagram кои сега веќе нема да можат да ја користат апликацијата, а не е сигурно дали истата ќе може да се користи и преку VPN.