Како што на повеќе им е познато, Велика Британија минатата недела одржа референдум на којшто граѓаните требаше да одлучат дали се за или против останување на земјата во Европската Унија. 52% од гласачите се изјаснија за излегување од Европската Унија, со што дефинитивно се промени и така веќе разнишаниот углед на унијата.

Ние нема да навлегуваме во политички оценки на што сето ова значи, дали Британија дефинитивно ќе излезе од Унијата и слични прашања, односно ќе се позанимаваме со еден показател којшто покажува дека можеби и самите Британци не се баш сигурни за сето тоа.

Така, според статистиките кои ги објави Google за најчестите пребарување во Британија во периодот околу референдумот, испаѓа дека граѓаните и не биле баш навремено информирани за тоа што би значела одлуката која ќе ја донесат при гласањето.

Во периодот по завршувањето на гласањето, од Google преку Twitter истакнуваат дека е забележан раст од 250% на пребарувањето „што ќе се случи ако ја напуштиме ЕУ“, како и „дали сме во или надвор од ЕУ“?

Google исто така објави и топ листа на најмногу поставуваните прашања во овој период и истите се следните:

  1. Што е „Брегзит“?
  2. Што ќе се случи ако ја напуштиме ЕУ?
  3. Кога ќе бидат објавени резултатите од ЕУ референдумот?
  4. Што е ЕУ референдумот?
  5. Кој може да гласа во ЕУ референдумот?

Сигурно не можеме да кажеме дека Британците генерално не се доволно запознаени со последиците од кој и да беше исходот на референдумот, но пребарувањата покажуваат дека дефинитивно не бил мал процентот за којшто тоа важи како заклучок.

Извор: ArsTechnica

Претходна статијаMicrosoft ќе исплати 10.000 долари казна за неуспешна и наводно недозволена надградба на Windows 10
Следна статијаGoogle ќе претстави целосно свој смартфон годинава?
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.