Една работа која излезе на површина со друштвените мрежи, а посебно со корона кризата, е степенот до кој компаниите вршат модерирање на содржината, односно одлучуваат што е вистина, а што не и соодветно на тоа дали нешто треба да остане објавено. Ова излегува надвор од основните правила на забрана на насилство и слични екстремни негативни форми на изразување.
Корисниците кои објавуваат секакви работи се познати и проблем одамна, но начинот на којшто компаниите решија да се справат со нив, нема врска во основа со справување со нив, а тие се користат само како оправдување за на крајот да се прави, кратко кажано, цензура на многу теми.
Затоа купувањето на Twitter од страна на Елон Маск беше голема и важна работа, а посебно поради најавите дека тој планира целосно да се придржува до правилата за слобода на говор.
Од Mozilla размислуваат нешто поразлично и може слободно да се каже дека тотално ја покажаа нивната „woke“ страна. Тие сметаат дека решението за состојбата со друштвените мрежи е уште поголема модерација на објавите, а интересно со тоа што токму на овој начин доаѓа до цензура. Многу лесно се доаѓа од објава на некоја информација која не е баш точна, до блокирање на некоја која е точна, но модераторот не се сложува со истата.
Своите гледишта тие ќе ги покажат преку влезот на пазарот на друштвени мрежи, на еден начин, преку креирање на свој сервер на децентрализираната мрежа Mastodon. Се истакнува дека правилата за објава на нивниот сервер, на mozilla.social, ќе бидат тие истакнати во нивниот Mozilla Manifesto и вклучуваат работи како човечко достоинство, вклученост, безбедност и индивидуално изразување на соработка.
Проблемот со овие точки е што сите се општи и неодредени, па од тука и произлегува просторот да било која содржина биде означена дека ги нарушува правилата. На овој начин и настанаа проблемите со моменталните друштвени мрежи.
Ќе видиме колку популарност ќе добие оваа друштвена мрежа од Mozilla, но некако не сме оптимисти дека ќе успее да им конкурира на големите.ф