Една мала, но доста барана можност, конечно е овозможена од страна на Instagram. Корисниците веќе не се ограничени да можат да стават само еден линк на нивниот профил, односно во описот на нивниот профил.
Корисниците сега можат да додадат до пет линкови, што повторно ги ограничува тие што сакаат повеќе, но оваа бројка веќе е прифатлива. Додавањето на линковите се прави како и досега, односно со одење во „Edit profile“ делот.
Оваа можност најмногу ќе им користи на корисниците кои сакаат да стават линкови до своите други профили на друштвените мрежи, да стават линк до веб страни на кои работат и слично. Во денешно време оваа потреба ја имаат голем дел од корисниците.
Новата опција им е достапна на сите корисници, што значи дека веќе може да се користи.
