Компанијата Facebook ѝ ја претстави на јавноста мерната единица за време наречена Flick. Еден Flick практично изнесува 705.600.000-ти дел од секундата.
Она што ја натера популарната социјална мрежа да се посвети на изумување мерни единици е од практична природа. Имено, се јавува потребата од прецизно и детално синхронизирање на фрејмови (слики) во видео записите.
We’ve launched Flicks, a unit of time, slightly larger than a nanosecond that exactly subdivides media frame rates and sampling frequencies. https://t.co/w9SDBznXRE
— Facebook Open Source (@fbOpenSource) January 22, 2018
За да се дојде до перфекцијата кон која Facebook цели, потребно е времето да се подели на т.н. Flick-ови. Според GitHub, еден Flick е најмалиот временски интервал кој е поголем од наносекунда. Мерната единица е дизајнирана за да ја мери должината на појавување на одреден фрејм (слика) во одреден видео запис. Ваквиот начин на мерење на времето ќе овозможи полесен увид при синхронизација на т.н. фрејмови на сите фреквенции без користење децимали.
До сега, за оваа намена се користеа наносекунди, меѓутоа истите не се покажаа како особено практични. Токму од таму дојде идеата за создавање нова мерна единица, која за прв пат ја спомена Кристијан Хорват уште минатата година. Како ова ќе се покажат во пракса, останува да видиме.
