Развојот на вештачката интелигенција или поточно на јазичните модели кои се направи на основа на „регенеративната“ вештачка интелигенција, овозможуваат многу подобро корисничко искуство за повеќе работи, меѓу кои и личните дигитални асистенти.
Познатиот американски производител на автомобили, GM, сака да го искористи овој напредок и да почне со вградување на асистенти во нивните автомобили. Според информациите, кои уште се до некаде неофицијални, GM работи на развој на асистенти со технологијата од OpenAI, односно GPT алатката.
На основа на оваа алатка е направен и новиот Bing, па веќе можеме да видиме какви се капацитетите на оваа технологија и што се е можно да се постигне.
Како примери кои се истакнуваат кои би можеле да покажат какви би биле асистентите со GPT, во споредба со моментално достапните кај автомобилите, се поставувањето прашање доколку се дупне гумата и добивање одговор кој објаснува и како истата да се промени. Друг пример е можноста да се постави прашање што значи знакот на сијаличката која се има вклучено на автомобилот, а во некои земји тоа може да значи и закажување сервис директно преку асистентот.
Оваа вест е нешто што е тотално очекувано, а посебно што GPT алатката, како и конкурентните, ги гледаме како се вклучуваат во скоро секој од познатите сервиси кои ги користиме.
Во сопственост на GM се брендовите како Chevrolet, Cadillac, Buick и GMC.