Brave прелистувачот кој започна како прелистувач кој дава посебно значење на приватноста на корисниците и една студија го истакна како најприватен прелистувач на пазарот, продолжува да воведува функции кои треба да ја подобрат приватноста дополнително.
Најновата функција, која треба да стане достапна во финалната верзија од прелистувачот оваа година, треба да го спречи методот за следење на корисниците наречен „fingerprinting“. Според Brave, блокирањето на fingerprinting е многу потешко од блокирањето на колачињата, а многу често може да доведе и до тоа да веб страната не функционира како што треба.
Затоа, нивната нова функција нема да го блокира fingerprinting, туку при секоја посета на веб страна, како и при секое отворање на прелистувачот, ќе се испраќаат малку различни податоци, со што тие што сакаат да ги слеат корисниците нема да можат да го направат тоа. Секоја сесија ќе изгледа како да е од различен компјутер, со што иако нема да биде блокирано, следењето ќе биде неуспешно.
Од Brave во нивниот блог за оваа функција, истакнуваат дека огласувачите поради популарноста на блокирањето на „тракерите“ веќе се почесто се пренасочуваат кон fingerprinting.
Кратко кажано, fingerprinting е следење на корисникот преку негово идентификување врз основа на податоците за хардверот кој го има, верзијата од прелистувачот, резолуцијата која ја користи и слични информации кои не секогаш може да бидат блокирани.
