Порано Mozilla Thunderbird, а сега само Thunderbird, останува една од најпознатите апликации за имејл, а посебно кај „фановите“ на софтвер со отворен код и корисниците на Linux. Покрај одредени проблеми кои се јавија поради послабиот развој на апликацијата под капата на Mozilla последните години, една од главните маани на Thunderbird е тоа што апликацијата не е достапна на мобилните телефони.
Оваа ситуација конечно ќе биде исправена, па Thunderbird ќе добие и мобилна верзија. Што точно може да се очекува од мобилната верзија засега не е познато, па само имаме потврда преку Twitter од менаџерот за развој на производи и бизнис во компанијата, Рајан Ли Сајпс.
Тој се што кажа е дека мобилна апликација доаѓа наскоро, без да открие повеќе детали за истата. Не е познато ни дури дали достапност се планира на двете мобилни платформи или само на Android.
Со оглед на популарноста на Thunderbird кај корисниците на Linux и корисниците кои повеќе сакаат да користат софтвер со отворен код, очекувано е дека Android верзија би била повеќе приоритет поради тоа што овие корисници најчесто користат Android телефон.
Во периодот што следи би требало да излезат повеќе информации, па и ќе видиме дали апликацијата ќе биде на нивото на десктоп верзијата.
