Stardock, компанијата која овозможува повеќе алатки за промена на изгледот и функционалноста на Windows повеќе од 20 години, ја претстави Start11, најновата верзија од својата позната апликација за промена на Старт менито во Windows.
Како што кажува самото име, Start11 е апликација која треба да овозможи промена на Старт менито во Windows 11, а можат да ја користат и корисниците на Windows 10.
Stardock овозможува апликации за промена на Старт менито уште од првата негова поголема промена со Windows 8.
Start11 е наменета за корисниците кои ретко сакаат да го користат Старт менито кое доаѓа со Windows, а во овој случај со Windows 11. Не е мал бројот на корисници кои сакаат да го прилагодат Windows на свој начин, па Stardock овозможува повеќе корисни апликации за истото.
Најновата апликација е достапна во бета верзија и овозможува избор помеѓу класично Старт мени, слично со тоа што се користеше до Windows 7, како и помодерно Старт мени кое е слично со тоа во Windows 11, но со повеќе можности.
Корисниците имаат повеќе можности како да го прилагодат менито, од големината на иконите, бојата, проѕирноста, а достапен е и посебен дел за прилагодување на таскбарот.
Како и другите апликации од Stardock, Start11 не е бесплатна, па чини 4,99 долари, што за тие кои навистина не сакаат да останат со „фабричкото“ Старт мени, не е голема сума.