После откажувањето на плановите за прекин на развојот на Skype и насочување на корисниците кон Microsoft Teams, а во главно поради популарноста на ваквите апликации за време на „короната“, апликацијата продолжи да функционира, па и да добива нови функции.
Иако бројот на корисниците не може да се спореди со порано, сепак Skype останува една од најпознатите апликации за видео разговори, како и за повици од апликацијата кон фиксни и мобилни телефони.
Начинот на којшто корисниците добиваа можност да се јавуваат на обичните телефонски линии обично беше преку купување на кредити. Сега овие кредите веќе нема да бидат достапни, па купувањето на минути ќе може да се направи само преку достапните пакети со месечна претплата.
Зависно од земјата каде би сакале да можете да се јавите и дали само на фиксни или и на мобилни телефони, претплатите не се толку високи, а посебно ако користењето на Skype за ваква намена е нешто што ви е потребно.
Месечни минути на Skype се добиваат и како дел од претплатите за Microsoft 365, односно порано нарекуваниот Office пакет.
