По поставувањето на Google Messages како главната апликација за SMS пораки кај најновите Samsung уреди, за почеток во САД, од компанијата сега продолжуваат со префрлувањето на корисниците кон оваа апликација од Google.
Како главна причина за оваа одлука изгледа се смета развојот на RCS протоколот од страна на Google, па нивната апликација ги има најновите функции поврзани со овој нов протокол кој се користи наместо SMS, односно претставува „iMessages“ за Android.
Според информациите, Samsung започнале со известување на корисниците на постарите смартфони и нивно насочување кон Google Messages апликацијата, па сигурно овој процес може да се очекува да биде засилен и проширен во периодот што следи.
За некои од корисниците ова може да не е баш добредојдено кога ќе се земе во предвид дека Samsung Messages е одлична апликација, едноставна и со добар дизајн, а има и неколку функции кои ги нема кај Google Messages.
Од ова може да се заклучи дека со тек на време Samsung планира да го прекине развојот на нивната апликација, па корисниците на Android во главно ќе ја имаат Google Messages за комуникација преку SMS и RCS протоколите.
