Samsung на своите корисници им овозможува пристап до интернет преку нивниот Samsung Internet Browser кој доаѓа пред инсталиран со сите нивни паметни телефони.
Верувам дека повеќето корисници веднаш инсталираат некој од другите достапни, а најчесто Google Chrome. Сепак, интернет прелистувачот од Samsung е одличен, а на моменти ми се чини и дека е подобар и од познатиот Chrome. Не може да се спореди со постарите верзии кои доаѓаа порано.
Поновите верзии од Samsung Internet се базирани на Chromium, што значи ја делат најпознатата во светот технологија за сурфање на интернет. Кога на тоа ќе се додаде едноставниот и модерен кориснички интерфејс, како и можноста за вклучување на додатни функции и додатоци, овој прелистувач дава доволно причина да му дадеме шанса.
Почнувајќи од овој месец, шанса ќе може да му дадат многу поголем број на корисници, па и тие кои не се одлучиле да купат некој од уредите на Samsung.
Samsung Internet Browser, поточно 6.2 бета верзијата стана достапна за сите корисници на Android 5.0 (Lollipop) и понова верзија од системот, без разлика кој уред го користат.
Овој прелистувач, за да ви даде уште поголема причина да го користите, покрај другите додатоци и можности, овозможува синхронизација со Google Chrome, па сите ваши омилени веб страни ќе може да ги имате и преку него.
Samsung Internet Browser beta можете, односно ќе можете да го симнете преку Play Store на следниот линк.
