Неофицијалната најава за можноста Microsoft да вгради поддршка за Android апликации во Windows 10 дојде од Windows Central кои најавија дека ќе напишат повеќе кога ќе имаат повеќе информации.
Сега тие повторно излегуваат, овој пат со повеќе детали околу оваа новина која се најавува за идната есен, кога се очекува дека Windows 10 ќе ја добие најголемата надградба после повеќе години.
Според нив, се работи за софтверско решение кои на програмерите ќе им овозможи да направат минимални измени на нивните апликации и со тоа тие да може да се поднесат во Microsoft Store и да бидат инсталирани во Windows 10.
Ова е веќе видено од Microsoft за другите видови на апликации, а најавата за Android апликациите остана неостварена. Сега Project Latte треба да продолжи каде што претходно застана Astoria и со тоа Windows 10 да го направи многу повеќе привлечен за корисниците.
Начинот на којшто Android апликациите би требало да функционираат без или само со мала измена е преку систем ист или сличен на WSL – Windows Subsystem for Linux. WSL веќе овозможува пуштање и на апликации со нивниот графички интерфејс, апликации кои се направени да функционираат на Linux.
Според информациите, мали се шансите да на Windows 10 функционираат Google Play Services, што значи дека апликациите кои зависат од овој сервис, нема да може да функционираат, барем не без измена.
Доколку Microsoft навистина работи на Project Latte и ја донесе поддршката за Android апликации на Windows 10, останува само еден проблем уште од пред години, а тоа е мотивацијата на програмерите да ги прилагодуваат и поднесуваат своите апликации во Microsoft Store.
Оваа алтернатива е секако полесна и побрза од развивањето на посебна апликација за Windows 10, па можеби програмерите ќе се заинтересираат доколку прилагодувањето е навистина брзо и лесно.
