ChatGPT станува достапен на мобилните преку официјална апликација, за почеток достапна само за корисниците на iPhone и iPad. Апликацијата исто така за почеток е достапна само во САД, но се најавува проширување на достапноста на наскоро, како и пуштање на Android верзија.
Апликацијата е бесплатна и ги нуди функциите кои досега беа достапни на веб, а исто така достапна е синхронизација на разговорите и Whisper функцијата за интеракција со „ботот“ со гласовни команди.
Корисниците на ChatGPT Plus ги добиваат предностите исто како досега, односно ексклузивен пристап до GPT-4 можностите, како и пристап до нови функции пред другите корисници, побрза работа и побрзи одговори и слично.
OpenAI дава и неколку примери за што може да се користи апликацијата, како на пример инстантни одговори, барање совети, креативна инспирација, професионални функции и можности за учење.
Пуштањето на оваа апликација ја трга потребата од користење на досегашните апликации кои овозможуваа пристап до ChatGPT преку API алатката, но голем дел од тие апликации се сметаат за „сомнителни“.
