Новиот Outlook, како што го нарекуваат од Microsoft, веќе долго време е во развој, со крајна цел да ги замени и унифицира моментално двете достапни апликации од компанијата, односно Outlook и Mail and Calendar.
Оваа нова апликација доаѓа со освежен и доста подобар изглед, кодот е поедноставен и поради тоа функционира доста побрзо, а тука се и доста нови функции досега достапни само на веб верзијата на чија основа и е направена новата десктоп апликација.
Оваа апликација се’ уште е достапна во тест форма, односно корисниците треба да ја вклучат преку „преклопникот“ на десктоп апликациите, а исто така достапна е и посебна верзија во Microsoft Store која е повеќе погодна за тестирање.
Новиот Outlook добива нова можност која ќе ја направи апликацијата многу повеќе погодна за секојдневно користење. Се работи за поддршка за Gmail сметки, а досега можеа да се приклучат само Microsoft сметки. За во иднина се најавува поддршка и за Yahoo, iCloud сметки, како и IMAP сметки од трети страни.
Новата апликација поддршката за Gmail ја прави подобро од моментално официјалната верзија. Поточно, поврзувањето со Gmail, покрај добивањето на имејл пораките, овозможува и синхронизација со Google Calendar и Contacts, па може да се каже дека без оваа поддршка и не вреди целосно интеграцијата.
Microsoft истакна дека новиот Outlook добива и подобрувања како што се Microsoft Editor, можност за испраќање на анкети, одложување на испраќањето на пораките за 10 секунди, можност за приклучување на Skype и Teams конференции директно од апликацијата, следење на пратки и повеќе.
