Microsoft во март оваа година го најави редизајнот на нивната Teams апликација со најава дека новата апликација работи до два пати побрзо, а има потреба од 50% помалку ресурси.
Кога на ова ќе се додаде и освежениот дизајн, направен по Fluent дизајн правилата, новата Microsoft Teams е добредојдена за сите активни корисници, а може да привлече и нови.
Новата апликација беше достапна за тестирање од март навака, а сега е официјално достапна за сите корисници. За разлика од тест периодот, апликацијата сега е достапна и за корисниците на Mac.
Од компанијата истакнуваат дека сите функции се сега достапни во новата апликација, а во иднина само оваа верзија ќе добива нови функции, што значи сите корисниците треба да ја инсталираат.
Причината за подобрата работа на апликацијата е во промената на кодот, односно Microsoft веќе не го користи Electron, па апликацијата сега е целосно направена на основа на Edge WebView2 технологијата, а посебно се истакнува React.
Сите новини кои се дел од Microsoft Teams можете да ги погледнете во статијата која од компанијата ја објавија за најава на достапноста на новата апликација.