Новиот Bing стана дел од Microsoft Edge, како што беше најавено уште од почетокот, но во тест верзиите од прелистувачот. Со најновата стабилна верзија, поточно верзијата 111, Bing официјално им е достапен на сите корисници.
Достапноста на Bing веднаш се забележува при отворањето на Edge, односно достапно е ново копче во горниот десен дел во форма на логото на Bing. Со притискање на ова копче, се отвора посебна лента на десната страна, од каде што се пристапува до новите функции од Bing.
Достапноста на Bing донесува функции кои што се очекувани, односно се достапни преку пребарувачот. Корисниците можат да започнат разговор, исто како преку Bing страната, а може и да побараат креирање на текст, сумирање на текст, исправка на текст и слично.
Посебно е корисна можноста да се отвори профилот на LinkedIn, на пример, па Bing да предложи подобрување на биографијата.
Минатата недела можевме да прочитаме дека Microsoft тестира пуштање на новиот Bing за сите корисници, па по пријавувањето, пристапот се добива веднаш, односно не се чека како претходно.
