Microsoft оваа година пушти нова Media Player апликација која ги унифицира дотогаш достапните две апликации, една за музика и една за видео содржина. Ова секако има повеќе логика, а така функционираа работите порано со познатата Windows Media Player апликација.
Оваа нова апликација во основа ја заменува Groove Music апликацијата и ја прави повеќе универзална апликација преку која може да се слуша музика и да се гледаат видеа.
Новата Media Player е одлична апликација за корисниците кои обично ја симнуваат VLC, на пример, но немаат потреба од сите достапни функции на истата.
Оваа апликација не може да се користи за гледање на онлајн видеа, односно не е апликација преку која може да се гледаат стриминг сервиси, нешто што сепак е број 1 начин во денешно време за гледање на содржина.