Во јуни оваа година можевме да прочитаме дека Internet Explorer конечно заминува во историјата. Заврши поддршката за прелистувачот и истиот беше тргнат од компјутерите преку посебна надградба.
Сепак, IE остана достапен за одредени уреди, односно за уредите кои продолжија да плаќаат за продолжена поддршка за Windows 7 и Windows 8/8.1. Со оглед на тоа што поддршката за овие системи завршува на 10 јануари идната година, јасно е дека веќе нема каде да постои дури и мал дел од овој доста стар прелистувач.
Причината поради која Internet Explorer се’ уште постои е што одредени компании имаат апликации кои се направени да функционираат на овој прелистувач, па голем дел од нив не сакаат да направат нови верзии од нив.
За нив е тука Internet Explorer режимот кој може да се вклучи во Microsoft Edge и апликациите и страните кои функционирале само на IE, сега ќе можат да работат и преку овој нов прелистувач од компанијата.
Од Microsoft истакнуваат дека тргањето на Internet Explorer од останатите уреди ќе биде направено преку надградба на Microsoft Edge, а не преку посебна надградба на системите, како што беше првично најавено.
