Microsoft планира да ги „сруши јазичните бариери“ со нова апликација која е специјално наменета за бизнис корисниците. Се работи за Pro верзија од веќе достапната Microsoft Translator апликација, достапна за почеток во тест форма и само за корисниците на iOS.
Microsoft Translator Pro овозможува превод и транскрипција во вистинско време од еден уред, а за одредени јазици преводот може да функционира и без интернет врска, локално на уредот.
Оваа апликација може да се погоди како доста корисна во ситуации како состаноци, работа со клиенти, а во видеото кое е достапно на страната од компанијата може да се види како Microsoft Translator Pro помага за услужување на клиент во хотел кој говори кинески.
Една од главните карактеристики на Translator Pro, а и разлика од бесплатната верзија, е приватноста и заштитата на податоците, нешто што е клучно за бизнис корисниците.
Логично од компанијата заклучуваат дека бизнис корисниците не би сакале да прават одредени разговори преку апликација која е масовно достапна, па затоа Translator Pro целата контрола ја става кај администраторите, а Microsoft, како и други страни, немаат пристап до податоците.
