Во тест верзиите од Microsoft Edge достапна е за вклучување нова функција наречена Split Screen. Како што може да се претпостави, оваа функција овозможува прикажување на две веб страни во еден „таб“, со поделување на половина на тој таб.
Вакво нешто може да се постигне со отворање на два различни прозори и поставување на половината од екранот, но секои нови функции кои ги скратуваат чекорите за правење нешто, на еден клик, се секогаш добредојдени.
За вакво нешто достапни се и додатоци кај повеќето прелистувачи, но секогаш е добро кога нешто е интегрирано во самиот прелистувач.
Засега оваа новина е достапна во тест верзиите од Edge, а и во тие верзии треба да биде посебно вклучена, па ќе видиме за кога е планирана да биде пуштена за сите корисници.
Ваквата можност е одлична за ситуациите кога се прави споредба на нешто на две веб страни, па со нивно поставување една до друга, споредбата е многу полесно да се направи.
