Можноста за корисниците да креираат „аватари“ од себе во Teams, Microsoft ја однесе на наредно ниво со претставуањето на Mesh.
Microsoft Mesh е платформа која функционира во Teams и на корисниците им овозможува целосна виртуелна околина за одржување на состаноци, а и други видови на конференции, каде што „аватарите“ изгледаат како навистина да се на некоја локација.
Ова не е замена за состанувањето во живо, секако, но во време кога се задржа се’ почестото состанување преку интернет, Microsoft Mesh се обидува тоа да го направи што пореално и интересно.
Виртуелната околина може да се вклучи преку Microsoft Teams, за време на веќе започнат разговор со притискање на „Immersive space (3D)“.
Платформата поддржува и измена на постојните виртуелни околини за потребите на компаниите, односно тие можат да додаваат логоа, видеа, презентации и слично. Сето тоа функционира преку Unity платформата, а не е потребно кодирање за истото. Покрај за PC, Microsoft Mesh може да функционира и преку Quest VR уредите од Meta.
Пред пуштањето на Microsoft Mesh за сите корисниците оваа недела, неколку компании имаа пристап и почнаа да ја користат платформата, а Microsoft има и цел текст за нивните искуства кој можете да го прочитате тука.
