Google Chrome останува прелистувачот број 1 во светот, без знаци дека некој може и да му се приближи во догледно време. Тоа значи дека конкуренцијата се натпреварува помеѓу себе за второто, третото и четвртото место, а тука работите се менуваат изминатите години.
Mozilla Firefox веќе неколку години ја губи популарноста кај корисниците, па овој прелистувач моментално го држи четвртото место во светот на десктоп со 9,18% од пазарот.
Microsoft Edge, кој сега е направен на основа на Chromium кодот и вреди да се користи, го држи третото место во светот на десктоп со 9,54% пазарен удел, а ако работите продолжат вака, овој прелистувач ќе го помине Apple Safari кои сега се на второто место со пазарен удел од 9,84%.
Chrome првото место на десктоп го држи со пазарен удел од 65,38%, а на мобилен овој процент изнесува 62,06%.
Кога е во прашање мобилниот пазарен удел, тука Microsoft Edge на стои баш најдобро, па второто и сигурно место го има Safari со пазарен удел од 26,71%, а третото место го има Samsung Internet со удел од 5,26%.
Може да се види дека покрај тоа што Microsoft Edge не стои добри кај мобилните, исто така и Mozilla Firefox се покажува лошо.
Во Македонија бројките се поразлични од вкупните светски, па Chrome го држи убедливо првото место со пазарен удел од 78,9%, второто место го има Mozilla Firefox со 9,64%, што значи во нашата земја Firefox доста подобро стои, а третото место го има Opera со 4,43% пазарен удел. Microsoft Edge во нашата земја е на четврто место со удел од 4,41%.
Кај мобилните во Македонија, првото место повторно го има Google Chrome со пазарен удел од 73,53%, а второто место го има Safari со удел од 20,16%, а третото место со 5,05% го држи Samsung Internet.
Информациите доаѓаат од Stat Counter и можете да ги погледнете на овој линк.