Откако беше забележано дека кај одредени корисници се појавува можноста за чување на лозинки на Microsoft Authenticator апликацијата, сега оваа нова функција е и официјално најавена од компанијата.
За разлика од претходната претпоставка, синхронизацијата покрај од Microsoft Edge, ќе може да се прави и со Google Chrome преку посебен додаток, Microsoft Autofill. Тоа значи дека корисниците кои своите лозинки ги чуваат на Microsoft Edge, сега ќе може да ги внесуваат и во Chrome, како и во било која апликација на Android и iOS.
Новината е во бета фаза, но треба да им стане достапна на сите корисници на Microsoft Authenticator во периодот што следи.
Сепак, за разлика од апликациите за чување на лозинки, ова е повеќе додавање на функционалност на веќе постојната за други намени апликација од Microsoft, па истата ги нема некои од останатите корисни функции како на пример, чување на платежни картички и други информации кои не се лозинки.
Повторно би истакнале дека иако оваа нова можност не ја става на исто ниво Microsoft Authenticator со другите апликации за лозинки, сепак е одлична за корисниците кои веќе ги чуваат лозинките во Microsoft Edge, а и тие кои бараат едноставен начин да почнат некаде да ги чуваат, наместо да ги памтат. Со тек на време може и ќе видиме повеќе опции кои ќе ја подобрат апликацијата.
