Google ќе го зголеми изборот за прилагодување на иконата која се користи при навигација, па апликацијата може да се каже дека ќе стане поинтересна за користење.
Моментално стрелката која ја означува локацијата на корисникот при навигација може да се промени со црвен автомобил, жолт „џип“ и зелен „пикап“.
Google ќе ја додаде можноста корисниците да изберат од нешто поголема листа на автомобили, а за истите ќе може да се менува и бојата.
Достапни треба да бидат осум различни бои кои корисниците ќе можат да ги изберат за било која од иконите од автомобили.
Според информациите, оваа промена изгледа прво ќе стане достапна на iOS, но секако може да се очекува и на Android.
Како што е често случајот, новината е забележана од страна на корисниците уште пред официјално да биде пуштена, па може да се очекува официјално во периодот што следи.
