Google Maps, за почеток само на Android, доби нова можност која треба да ја подобри навигацијата и нејзината прецизност при возење во тунели, а ова е посебно важно за долгите тунели.
Апликацијата доби поддршка за таканаречените Bluetooth beacons, кои се поставуваат на повеќе места во тунелите и со тоа овозможуваат продолжување на навигацијата кога се губи GPS сигналот.
Оваа новина може да се каже дека е преземена од уште една апликација за навигација која е во сопственост на Google, а е доста позната по ваквите функции, Waze.
Корисниците ќе треба да ја вклучат функцијата преку прилагодувањата на апликацијата, односно истата не е автоматски вклучена.
Секако, оваа новина не прави голема разлика во нашата земја каде немаме големи и долги тунели, но затоа може да се погоди како одлична нареден пат кога ќе патувате во некоја земја каде ваквите тунели се чести.