Google нема да го задржи најдоброто од нивниот Gemini јазичен модел само за корисниците на Android, па од компанијата ќе пуштат посебна апликација за овој нивни „четбот“, односно асистент и за корисниците на iPhone.
Како што е забележано од страна на корисници, а објавено заедно со слики на Reddit, апликацијата ќе биде наречена Google Gemini и на корисниците ќе им овозможи целосно корисничко искуство како тоа на Android.
Во основа тоа значи пристап и до Gemini Live функцијата која овозможува поприроден начин на разговор со асистентот и можност за прекинување и продолжување на сред разговор и слично.
Gemini моментално може да се користи на iOS, без потреба од отворање на веб страната, преку Google апликацијата за овој систем, но преку истата ги нема сите функции, односно не е достапна Gemini Live функцијата.
Апликацијата моментално се истакнува дека е достапна само во Филипините, па не е познато кога се планира пуштање за остатокот од светот и дали Google планираат да го направат пуштањето постепено.
Идната година Gemini треба да добие и интеграција во Siri, каква што има сега ChatGPT, односно официјално ќе добие од идниот месец.
