Bing Weather е дел од групата Bing апликации кои Microsoft почна да ги претставува пред одреден период за Windows Phone платформата. Weather е едноставна апликација која што ја прикажува моменталната временска состојба, временската прогноза по денови и по часови и анимирани мапи. Истата имаше можност за „закачување“ на мала и средна големина на Home екранот, како и Live начин на прикажување.
Новата 2.0.2.170 верзија од Weather вклучува нови функции кои што сепак требаше да ги има уште во првата верзија. Новите функции вклучуваат:
- Подобрени слики
- Нови прилагодувања
- Дупла големина на Live плочката
- Интеграција со Lock екранот
Две од овие функции се навистина добредојдени и ја ставаат Weather во категорија со другите вакви апликации. Live плочката сега може да ја зголемите во целосна ширина од екранот. Предната страна ја покажува моменталната временска состојба, како моменталната температура, прогнозата за денот, како и можноста за врнежи и брзината на ветерот. Задната страна од плочката прикажува 5 дневна прогноза, вклучувајќи го и денешниот ден.
Доколку ја изберете оваа апликација да прикажува информации на Lock екранот, ќе ја добиете сликата од главната страна на апликацијата, која што ја отсликува моменталната временска состојба и ја прикажува моменталната температура и прогнозата за денот.
