При презентацијата на Pixel 8 телефоните, Google најави дека планира интеграција на Bard во нивниот Assistant, кој е дел од секој Android уред. Ова беше очекувано и во рамките на трендот минатата година на интеграција на генеративната вештачка интелигенција во сите производи од компаниите.
Додека се чека на официјалното пуштање на новата верзија од Assistant, дечките од 9tо5Google имаат повеќе информации за што може да очекуваме. Преку разгледување на кодот на апликациите, поточно APK датотеките, може доста да се дознае, пред новите функции да им бидат официјално пуштени на корисниците.
Од тоа што го имаат откриено може да се види додавање на Bard и во Google Search апликацијата. Корисниците ќе имаат „преклопник“, односно копче преку кое ќе можат да се префрлуваат од класичниот search кориснички интерфејс и тој со Bard, односно Assistant with Bard.
Од порталот дополнително го откриваат новиот кориснички интерфејс на Assistant, прво како препорачува да се проба Bard, а потоа и со вклучена интеграција.
Корисниците во основа добиваат унапредена верзија од Assistant со генеративна вештачка интелигенција, што значи дека „асистентот“ ќе биде поспособен во разбирањето на корисниците и извршувањето на барањата.
