Apple и Google ги објавија најдобрите апликации во App Store и Play Store за 2022 година. Двете компании имаат нешто поразличен пристап, па Apple самите одлучуваат кои апликации ги добиваат „наградите“, додека Google има комбиниран пристап, а со тоа и повеќе апликации се на нивната листа.
iPhone апликацијата на годината за 2022 е BeReal. Ова е нова апликација која брзо доби на популарност и истата функционира преку две минутно снимање со двете камери, задната и предната, а самата апликација одлучува кога во тие две минути ќе направи слика која потоа треба да биде објавена.
На iPad апликација на годината е прогласена апликацијата GoodNotes 5, додека оваа награда на Mac ја доби MacFamilyTree 10. На Apple Watch како најдобра е прогласена апликацијата Gentler Streak, а како најдобри игри се прогласени играта Apex Legends Mobile на iPhone, Moncage на iPad и Inscrytion на Mac.
Како најдобра апликација во Play Store е прогласена Dream by Wombo, додека најдобра апликација избрана од страна на корисниците е BeReal. Најдобра за забава е апликацијата PetStar, а како најдобра игра Google ја има прогласено Apex Legends Mobile.
Како најдобра за личен напредок е апликацијата Breathwrk, а награди добија и апликациите Plant Parent, Recover Athletics, The Sigma App, Todoist, Pocket и BandLab.
Може да се види дека некои од најдобрите апликации се на врвот на листата на двете платформи.
