Microsoft постепено го пушта пристапот до нивниот нов Bing, додека од Google уште се чека да го интегрира Bard во Search, а нивниот конкурент You.com веќе ја пушта својата втора верзија од нивниот јазичен модел, односно пребарувач помогнат од вештачка интелигенција.
YouChat 2.0 е наредната верзија од нивниот асистент за пребарување со вештачка интелигенција. Корисниците можат веднаш да почнат да го користат, а исто како и кај другите, се работи за можност за разговор со пребарувачот, добивање на сумирани резултати и слично.
Овој пребарувач, исто како и конкурентите, може да креира содржина, односно може да напише текст, да напише код и слично. Дополнително, You.com овозможува интеграција со повеќе апликации, како на пример такви за финансии, крипто, Wikipedia, What to Watch и повеќе.
YouChat можете сами да го пробате преку отворање на you.com страната и пребарување или притискање на chat делот.
Наша препорака е да ги користите ваквите пребарувачи како алатка која не можете да најдете нешто самите и слични ситуации, кога ви е потребно да се сумира некој долг текст или кога не знаете точно како се пишува одреден код, но не и за обични разговори кои видовме дека можат да отидат во „несакан“ правец.
Повеќе детали за YouChat 2.0 можете да прочитате на официјалната блог објава од компанијата на овој линк.