Falcon Heavy е ракета наменета да носи огромен товар во орбитата на Земјата, односно до вселенските станици и на другите потребни места. Развиена е од страна на познатата SpaceX, компанијата на Elon Musk, човекот кој што исто така е сопственик и на Tesla Motors.
SpaceX компанијата има за цел да ги унапреди, но и поевтини вселенските патувања. Во неа се инвестираат големи суми на пари, па може да се очекува развој на ракети и други превозни средства кои што ќе донесат еден вид на револуција во оваа област.
Falcon Heavy е ракета всушност составена од три Falcon 9 ракети, исто така развиени од оваа компанија. Наменета е специјално за носење на екстра тежок и голем товар до орбитата на земјата. Според спецификациите, оваа ракета може да однесе до 53.000 килограми товар што е еквивалент на целосно наполнет и натоварен Boing 747, познатиот и голем патнички авион. Единствена ракета со поголем капацитет била таа која што била направена за првата мисија на Месечината.
Она што е интересно и целта на ракетите од SpaceX, е можноста тие самите да се вратат од орбитата и да слетаат на точно одредените места за тоа. Веќе е направено едно вакво тестирање кое што за жал не помина успешно, поради снемување на гориво во последните моменти од слетувањето. Falcon Heavy треба да ги има првите тест летови и слетувања до крајот на оваа година.
До тогаш достапни се информациите за развојот на ракетата, како и што се е планирано истата да може да го направи. Од SpaceX исто така имаат спремено видео анимација на која што точно е прикажана работата на ракетата, односно нејзиното полетување, издвојување на деловите во орбитата и нивното слетување назад на Земјата. Истото ќе биде посебно направено од трите посебни Falcon 9 ракети, две на почетокот и третата по одделување од делот за товар.
