Starship е новото име на вселенското летало кое е во развој и Елон Маск го прикажа на почетокот од годината.

За ова летало се имаат амбициозни планови, односно ова е леталото со кое се планираат познатата мисија на Марс, но за почеток и поблиску, до Месечината.

Леталото ќе ја користи Raptor ракетата од компанијата за да дојде до орбитата на Земјата, по што ќе може да продолжи на планираниот пат, без разлика дали е до Месечината или до Марс.

Маск, преку својата омилена друштвена мрежа, објави видео во кое се тестираат штитовите за топлина кои ќе бидат поставени на Starship. Овие штитови се тука за кога леталото се враќа на Земјата, а како што знаете, тој процес на почетокот генерира голема топлина поради влегувањето во атмосферата и големата брзина.

На видеото се гледа како штитовите, односно плочките се загреваат до големи температури, конкретно 1.375 степени целзиусови, како што истакнува Маск.