1

Еден час енергија од сонцето може да ги задоволи потребите на човекот за 1 година – истакна професорот Илија Насов, на предавањето одржано како дел од саемот за зелени работни места, одржан во Кичево на 12-ти април. Модерната човечка цивилизација може целосно да се напојува од соларната енергија, доколку се искористи на правилен начин. Слабата законска регулација и недостаток на свест, како и поддршката на фосилните горива се причините за неискористениот потенцијал на соларната енергија, иако таа може да ги задоволи потребите на модерната човечка цивилизација и целосно да ги замени фосилните горива (нафта, јаглен и гас.)

Масовно користење на велосипеди, вертикални градини, соларни панели наместо покриви и прозорци, обновливи извори на енергија наместо фосилни горива, електрични автомобили, одбивање на употреба на пластика и многу други решенија за навремено стопирање на катастрофалните последици од климатските промени произлегоа на 10 дневната младинска размена „Разбуди се – Преземи акција“ одржана во Маврово. На младинската размена учествуваа учесници од Македонија, Норвешка, Германија, Хрватска, Грција, Шпанија и Велика Британија и се одржа од 4ти до 13ти април во хотел Алпина во Маврово.

Младите од 7 различни држави од Европа имаа можност преку дискусии, игри, едукативни видеа, дебата, презентации, предизвици, едукативни посети и акција на терен да го збогатат своето знаење за климатските промени, договорот склучен во Париз минатата година на КОП21 и националните придонеси за климатските промени на сите 7 држави учесници на овој семинар.

Младинската размена „Разбуди се – Преземи акција“ е проект од програмата „Еразмус плус“ финансиран од Норвешката национална агенција, за кој младинската еколошка организација Гоу Грин Скопје беше домаќин и организатор.

Претходна статијаHuawei претстави свој VR уред
Следна статијаНова e-skin технологија ја претвора вашата кожа во органски PLED дисплеј