https---blueprint-api-production.s3.amazonaws.com-uploads-card-image-97213-699d71c9jw1f47uy7jrznj21hc0u00tz__1_

Имате желба да снимате со дрон, а немате доволно средства за да си го дозволите? Новиот дрон на Xiaomi има одлични спецификации и цена која е достапна за (скоро) сите купувачи кои сакаат да имаат ваква играчка во својот арсенал.

Xiaomi Mi Drone ќе доаѓа во две верзии – едната ќе може да снима Full HD, додека другата Ultra HD 4K видео. Цената на послабиот модел е 380 долари, што е на пример половина од цената на еден iPhone 6S Plus, додека цената на 4K моделот изнесува 456 долари.

https---blueprint-api-production.s3.amazonaws.com-uploads-card-image-97222-699d71c9jw1f47uycee03j21hc0u03zn

Камерата на дронот е опремена со сензор на Sony од 16 мегапиксели во послабиот модел и специјален сензор со 12 мегапиксели за моделот со 4K резолуција. На хартија барем, видеата и фотографиите би требало да бидат одлични. Двата модели се опремени со широка леќа од 104 степени, а поскапиот може да слика и RAW фотографии.

Но, Mi Drone е многу повеќе од вградените камери. На него е работено 7 години и според Xiaomi, ова е еден од најстабилните дронови на пазарот. Во него има вградена стабилизација со жироскоп по три оски, што овозможува исклучително стабилно видео дури и при ветровито време.

https---blueprint-api-production.s3.amazonaws.com-uploads-card-image-97220-699d71c9jw1f47uydv3kej21hc0u0ab9

Тежината на дронот е инаку само 140 грама, благодарение на што вградената батерија од 5.100 mAh може да издржи 27 минути летање со едно полнење. Без грижи, Mi Drone ќе се врати на почетната положба доколку почувствува дека батеријата му е при крај, додека за подобро позиционирање, опремен е со GPS и GLONASS.

Интересно, Mi Drone 1080 моделот со Full HD резолуција ќе биде спонзориран од заедницата, почнувајќи од 26 мај преку Mi Home апликацијата, што е веројатно и една од причините за ниската цена. Mi Drone 4K моделот пак ќе биде достапен само за бета тестери во почетокот и тоа од месец јули.

https---blueprint-api-production.s3.amazonaws.com-uploads-card-image-97224-699d71c9jw1f47uyczkv8j21hc0u03zg

Извор: Engadget, The Verge, Mashable

Претходна статијаВидео од Samsung OLED дисплејот кој може да се свитка во ролна
Следна статијаRaspberry Pi 3 можно е да добие и Android поддршка