Ако имате продавница со излог веројатно сте го наредиле со производи кои се надевате дека ќе ги привлечат минувачите. Проблемот со ова е дека не можете да измерите точно колкава е „конверзијата“ т.е. префрлањето од минувачи кон заинтригирани, па кон купувачи. Понекогаш би дале се` за да знаете дали последните промени што ги направивте имаат било каков ефект.
За 90 долари сега веќе ќе можете. Се работи за уред наречен Placemeter чија основна задача е да го мери присуството пред излогот и тоа да ви го прикаже во разбирливи, статистички податоци. Уредот има камера и визуелен процесор преку кој разбира што има пред него и дали се работи за луѓе.
Потоа ги испраќа информациите во облакот (без тоа не поминува веќе ништо), а потоа можете да ги симнете со програм на вашиот компјутер. Во софтверот на Placemeter можете да наместите виртуелни визуелни точки кои ако бидат поминати ќе се додадат во статистиката. Практично, во Placemeter имате вградено вештачка интелигенција која разбира што има на сликата и тоа ви го пренесува вам.
Како може да се искористи Placemeter? Веќе кажавме дека може да се користи за испитување на ефикасноста на вашиот излог или рекламно пано. Потоа, може да се користи и како безбедносна камера, а би можело и како што и друго да ви текне ако сте расположени за експериментирање.
Дали Placemeter ќе најде своја вистинска примена останува да видиме, а цената од 90 долари нема да му одмогне во тоа.
Извор: TechCrunch, IoTHub, Placemeter
