Развојот на Kinect сензорот овозможи тој да биде интересен и за развивачите кои што не мора да се секогаш од областа на игрите. Веќе можевме да видиме како овој сензор се користи на пример за препознавање на јазикот со знаци.
Со издвојувањето на сензорот од Xbox One конзолата, Microsoft ја претстави и втората генерација од него наменета за десктоп компјутерите. Минатата година тие претставија и посебен адаптер кој што може да се користи за поврзување на Kinect for Xbox One на десктоп компјутер.
Кога ќе се земе во предвид фактот дека се работи за во основа истиот уред, се поставува прашањето зошто од компанијата веднаш не претставија адаптер, туку целосно посебен уред.
Како и да е, корисниците од сега ќе можат да го нарачуваат сензорот за Xbox One, кој што веќе се продава посебно, како и додатниот адаптер за поврзување со Windows 8 и 8.1 компјутер.
Тоа значи дека развивачите ќе можат и понатаму да развиваат апликации кои што ќе го користат сензорот, меѓутоа изборот на уреди сега е поедноставен и унифициран.
За тие што веќе имаат купено Kinect for Windows сензор, поддршката од Microsoft останува уште долго време, па нивната работа нема да биде попречена на никаков начин.
Извор: Kinect blog, Engadget