Samsung Electronics денес ја најави својата нова 840 EVO mSATA (mini-Serial ATA) линија на SSD уреди, вклучувајќи го и првото mSATA SSD со капацитет од 1 терабајт.
840 EVO mSATA SSD линијата е достапна во капацитети од 120GB, 250GB, 500GB, како и 1TB. Заради mSATA формата која е отприлика 1/4 од стандардната SSD големина, новите уреди се идеални за користење во “ultra-slim” лаптопи. 1TB моделот доаѓа со „дебелина“ од само 3,85 милиметри и тежина од 8,5 грама.
Новата линија е изработена со користење на 19 нано-метарски TLC NAND процес и го користи Samsung MEX контролерот. 1TB моделот нуди перформанси од 98,000 IOPS (Input Output Operations Per Second) за случајни вчитувања и 90,000 IOPS при случајни записи. Брзината на секвенционалните вчитувања изнесува 540 MB/s, додека брзината на секвенционалните записи е 520 MB/s.
Со новите mSATA SSD уреди беше претставена и новата 4.3 верзија на Samsung Magician софтверот. Во новата верзија на Samsung Magician е додадена RAPID (Real-time Accelerated Processing of I/O Data) mode поддршка за новите 840 EVO mSATA и постарите 840 PRO уреди. RAPID mode функцијата ги забрзува перформансите на поддржаните SDD уреди така што резервира дел од системската меморија за кеширање. Оваа функција нуди секвенционални брзини на запис од неверојатни 1,000 MB/s, двојно повеќе од типичните SATA SSD уреди и десет пати повеќе од типичен хард диск.
Samsung 840 EVO mSATA SSD уредите ќе бидат глобално достапни до крајот на месецов.
