Најпознатиот производител на гејмерски компјутери, го освежува својот супер популарен Area 51 компјутер со новите процесори од Intel Core X и AMD Ryzen 9 сериите, кои доаѓаат во изведби со максимум 16 јадра. Интересно, AMD Threadripper процесорот со 16 јадра, кој ќе биде носечки во овој компјутер, ќе биде и ексклузивен за него, односно нема да може да го видите во друг гејмерски компјутер од некој друг производител до крајот на оваа година.
Секако, вие ќе можете да го купите Threadripper и сами да направите компјутер, но секогаш е поефикасно да купите целосен компјутер. Покрај тоа, дизајнот на Area 51 може да привлече многу погледи – ваков нема да може да направите сами, а тој има и можности за кои ќе треба да одвоите многу пари да ги имате во вашето гејмерско куќиште, како опција за напојување од фантастични 1.500 вати, M.2 SSD дискови и Intel Optane меморија.
Во ова футуристичко куќиште има и простор за три графички картички со целосна големина, што значи дека доколку можете да одвоите неколку илјади евра, Area 51 ќе биде 4K машина која ќе може без проблем да ги пушти сите игри на максимум.
Засега не е позната цената на Alienware Area 51, но очекувајте да треба да одвоите повеќе отколку за исто моќен компјутер кој би го склопиле сами. Компјутерот ќе биде достапен од 27 Јули, заедно со Threadripper Edition моделот со процесорот на AMD со 16 јадра.
Извор: Tech Radar, AnandTech, The Verge
