Samsung и Google долгогодишни соработници, а најмногу поврзани преку Android оперативниот систем, склучија договор за меѓусебно користење на лиценците од патентите што ги поседуваат овие две компании. Договорот е склучен за сите лиценци што ги поседуваат на светско ниво, а исто така важи и за сите патенти што ќе ги поднесат и добијат двете компании во наредните 10 години.
Samsung и Google им покажуваат на остатокот од индустријата дека повеќе може да се добие од соработка, отколку од впуштање во непотребни спорови за патентите.
– Dr. Seungho Ahn, Главен на одделот за интелектуална сопственост во Samsung
Ова е интересен потег од страна на овие две компании, посебно откако се научивме да гледаме судски спорови кои често се водат во последните години помеѓу компаниите, а посебно помеѓу Apple и некоја од компаниите. Исто така актуелно е купувањето на компании само поради патент портфолиото кое го поседуваат, со што почнува трендот на акумулирање на патент лиценци на компаниите.
Извор: Samsung
