Сигурно нема некој којшто не се заинтересира за вчерашната одлука на Google и уште неколку американски компании да ја прекинат соработката со Huawei поради тоа што оваа компанија беше ставена на листа од страна на властите. Листата е составена од компании кои според американските власти ја загрозуваат безбедноста на САД, па на сите американски компании им се забранува соработка со компаниите на оваа листа.
Иако Huawei соработува и со други компании, соработката со Google привлече поголемо внимание поради тоа што оваа компанија ја издава лиценцата за користењето на нивните апликации на Android, како Chrome, YouTube, Gmail, односно и самата продавница за апликации.
Google исто така издава и безбедносни надградби секој месец, нешто без кое корисниците на Huawei исто така би останале, барем кај новите корисници.
Ова секако би направило огромна разлика во продажбите на паметни телефони на Huawei, а посебно надвор од Кина каде и така тие не зависат од Google.
Министерството за трговија им издаде на Huawei привремена лиценца со што американските компании ќе можат да продолжат да работат со оваа компанија. Тоа ги одложува потенцијалните проблеми, меѓутоа само на краток период.
Лиценцата е издадена со важност од 90 дена, односно ќе престане да важи на 19 август.
Иако времето делува кратко, сепак се добива впечаток дека двете влади до тогаш ќе постигнат некаков договор, а ова секако делува како тактика во преговорите.
