Microsoft и Xiaomi договорија проширување на партнерството помеѓу двете компании со договор за вклучување на Microsoft апликации во Android уредите на втората компанија.
Се работи за апликациите Word, Excel, PowerPoint, Outlook и Skype, кои како и да е им се достапни на корисниците преку Play Store, но сега ќе доаѓаат пред инсталирани на одредени Mi уреди од компанијата.
Уредите на кои ќе бидат пред инсталирани овие апликации ги вклучува Mi 5, Mi Max, Mi 4s, Redmi Note 3 и Redmi 3, а праксата ќе започне да се применува од септември оваа година.
Ова не е прв ваков договор од страна на Microsoft кои во ситуација на многу мал пазарен удел на нивната мобилна платформа, логично се насочија кон што поголема достапност на нивните сервиси и апликации на поголемите платформи. Xiaomi е еден од најголемите производители на мобилни телефони во светот, а исто така претставуваат и добар начин за влез на источниот пазар.
„Возбудени сме што ќе работиме блиску со Microsoft на широко партнерство за технолошка соработка“, изјави Шианг Ванг потпретседател во Xiaomi. „Како што се гледа од овој договор со Microsoft, Xiaomi сака да изгради одржливи, долгорочни партнерства со глобалните технолошки лидери, со главната цел да им се овозможи најдоброто корисничко искуство на нашите Mi фанови.“
Обично корисниците не реагираат најпозитивно кога нивниот телефон доаѓа со пред инсталирани апликации, посебно кога истите се достапни во продавницата за апликации, па доколку им се потребни можат самите да ги инсталираат. Сепак, не ретко ова е и добра стратегија за проширување на достапноста на одредени сервиси.
Извор: Xiaomi